ბელორუსის თვითგამოცხადებულმა პრეზიდენტმა, ალექსანდრე ლუკაშენკომ განაცხადა, რომ ბელარუსის არმია რუსეთ-უკრაინას ომში არც მონაწილეობდა და არც აპირებს ამის გაკეთებას.

მისივე თქმით, თუ ბელარუსი აღნიშნულ სამხედრო კონფლიქტში ჩაერევა, „ეს დასავლეთისთვის საჩუქარი იქნება“.

„ჰიბრიდული ომი, რომელიც აწარმოეს ბელორუსის წინააღმდეგ, განსაკუთრებით, სანქციების ომი, ეკონომიკურ და ფინანსურ [სექტორებში], დიდი ხანია გრძელდება. ისინი უკრაინის ომში ჩართვისკენ გვიბიძგებენ. თუ ჩვენ ახლა ჩავერევით ამ კონფლიქტში, სადაც ჩვენ არ გველოდებიან, ეს მათთვის საჩუქარი იქნება“, - აღნიშნა ალექსანდრე ლუკაშენკომ.